کابل (پژواک، ۴ تله ۱۴۰۴): له پولیو څخه د پاک افغانستان بنسټ وایي چې سبا به په ننګرهار او نورستان ولایتونو کې د پولیو (ګوزڼ) ضد واکسین کمپاین پیل شي.
له پولیو څخه د پاک افغانستان بنسټ نن پر خپله فیسبوکپاڼه لیکلي چې د پولیو (ګوزڼ) جزوي زرقي واکسین کمپاین سبا د ننګرهار په ۱۷ او د نورستان په څلور ولسوالیو کې پیلېږي.
سرچینې نه دي ویلي چې دغه کمپاین د ننګرهار او نورستان په کومو ولسوالیو کې پلی کېږي.
یاد بنسټ ویلي چې په دغه کمپاین کې به په ټاکل شوو سیمو کې ماشومانو ته د پولیو دواړه ډوله واکسینونه (څاڅکي OPV او زرقي fIPV) ورکړل شي څو د هغوی د بدن د معافیت سیسټم پیاوړی او د ویروس د خپرېدو مخنیوی وشي.
