ایبک (پژواک، ۷ لړم ۱۴۰۴): سمنګان کې ځايي مسوولین وايي چې د دغه ولایت د خُلم ولسوالۍ اړوند د ایبک – مزارشریف پر لویه لار د یوې ترافیکي پېښې له امله د یوې ښځې په ګډون اووه کسان ټپیان شوي دي.
د سمنګان د امنیې قوماندانۍ ویاند حشمتالله رحماني وايي چې دغه پېښه تېره شپه د یوه کرولا او فیلډر موټرو د ټکر له امله شوې ده.
هغه زیاته کړه چې د پېښې ټپیان د خُلم ولسوالۍ د امنیې قوماندانۍ د ترافیکي پېښو امریت د دې ولسوالي کلینیک ته لېږدولي او اوس تر درملنه لاندې دي.
د سمنګان د امنیې قوماندانۍ د ترافیکو مدیریت مسوولین د دې پېښې لامل د موټرچلوونکو بېاحتیاطي ښودلې ده.
GET IN TOUCH
NEWSLETTER
SUGGEST A STORY
PAJHWOK MOBILE APP