کابل (پژواک، ۱۴ چنګاښ ۱۴۰۵) د افغانستان بانک اعلان کړی چې سبا (د چنګاښ ۱۵مه) د داوطلبۍ له لارې ۱۶ میلیون امریکایي ډالر لیلاموي.
د افغانستان بانک په یوه اعلامیه کې ویلي چې دغه بانک غواړي سبا دوشنبې د داوطلبۍ له لارې ۱۶ میلیون امریکايي ډالر وپلوري.
یاد بانک له سوداګریزو بانکونو، صرافانو او پر شرایطو برابر د پولي خدمتونو له شرکتونو غوښتي چې په دې داوطلبۍ کې برخه واخلي.
سرچینې زیاته کړې چې د لیلام ګټونکي اړ دي خپل حسابونه د لیلام ورځې تر پایه تصفیه کړي.
