لښکرګاه (پژواک ٤ غبرګولي ٩١): چارواکي وايي، چې د هلمند په موسى کلا ولسوالۍ کې په يوه ځانمرګي بريد کې دوه پوليس وژل شوي دي.
د هلمند د والي وياند داوود احمدي د غبرګولي په ۴مه پژواك خبري اژانس ته وويل، چې نن سهار شاوخوا نهه بجې د موسى كلا ولسوالۍ د مسلماني په سيمه كې پر پوليسو ځانمرګى بريد شوى دى.
د هغه په وينا، په دغه بريد كې دوه پوليس وژل شوي دي.
نوموړي زياته کړه، چې په همدي سيمه كې پوليسو وسلوال طالبان محاصره كړي وو، خو طالبانو د خپلو ځان د خلاصون په موخه يو ځانمرګى بريدګر پر موټرسايكل د پوليسو خوا ته ور ولېږه.
داوود احمدي وويل، چې پوليسو ياد بريد كوونكى پېژندلى و، خو نوموړي له موټرسايكل څخه ځان غورځولى او ځان ته يې چاودنه وركړې ده.
د ده په خبره، په دغې پېښه کې ملکي وګړو ته زيان نه دى اوښتى.
وسلوالو طالبانو په دې اړه تر اوسه څه نه دي ويلي.
Views: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن