جلال اباد ( پژواک ٢٢ لړم ٩١ ) : ناپېژانده وسلوالو د ننګرهار په چپرهار ولسوالۍ کې يوتن پخوانى جهادي قوماندان وواژه.
د ننګرهار د امنيه قوماندانۍ وياند حضرت حسين مشرقيوال دلړم په ٢٢مه، پژواک خبري اژانس ته وويل، چې دا پېښه نن له غرمې وروسته په درېيو بجو د چپرهار ولسوالۍ د خواجه صاحب د هديرې په سيمه کې رامنځته شوې ده.
هغه زياته کړه ، چې ناپېژاندو ولسوالو پر يوه کرولا موټر ډزې کړي، چې پکې ناست دوه تنه وژل شوي او دوه نور ټپيان دي.
نوموړي ياد کسان ملکي وګړي وبلل او زياته يې کړه ، چې پوليسو په سيمه کې پلټنې پيل کړې دي.
د چپرهار ولسوالۍ د پراختيايي شورا مشر حاجي صديق الله پېښه تاييد او زياته يې کړه ، چې په دې بريد کې د حزب اسلامي پخوانى جهادي قوماندان تازه ګل له خپل موټر چلوونکي سره وژل شوى دى.
د هغه په وينا، په دې بريد کې يې دوه نور ملګر ټپيان شوي، چې نږدې کلينيک ته وړل شوي ، خو د هغوى د روغتيايي حالت په اړه يې معلومات نه درلودل.
طالب وياند ذبيح الله مجاهد پر دې پېښې خواشيني وښوده او زياته يې کړه ، چې دوى په دې بريد کې لاس نه لري.
