هرات ( پژواک ١٧ ورى ٩٢) : په بادغيس کې په دوو جلا عملياتو کې ٩ وسله وال وژل شوي او درې پوليس ټپيان دي.
د بادغيس امنيه قوماندان مل پاسوال شرف الدين شرف وايي،چې په بالا مرغاب کې د عملياتو پر مهال پنځه وسله وال ووژل شول او دوه پوليس ټپيان شول.
امنيه قوماندان وايي ، چې د وسله والو مړي پر خپل ځاى پاتې دي او وسلې يې د امنيتي ځواکونو لاس ته ورغلې دي.
په ورته توګه په يوه بله پېښه کې د قادس د بوم په سيمه کې څلور وسله وال وژل شوي او يو تن پوليس ټپي شوى دى.
د بادغيس د پېښې په اړه تر دې مهال وسله والو څه نه دي ويلي.
