د ناټو يو سرتېرى ووژل شو

کابل ( پژواک ١٢ لړم ٩٢ ) : ايساف وايي، چې دافغانستان په ختيـځ کې يې يو سرتېرى وژل شوى دى.

په کابل کې د يادو ځواکونو مطبوعاتي دفتر له خوا دلړم په ١٢مه، پژواک خبري اژانس ته په يوه رالېـږل شوې خبرپاڼه کې راغلي ، چې دا پېښه نن رامنځته شوې ده. 

سرچينې زياته کړې ، چې دغه سرتېرى د وسله والو مخالفينو په يوه مخامخ بريد کې وژل شوى  ، خو ايساف د وژل شوي سرتېري هويت او د پېښې کره ځاى نه دى په ډاګه کړى.

بايد وويل شي ،چې په ختيځ کې د ايساف په چوکاټ کې امريکايي سرتېري مېشت دي.

ددغه سرتېري له وژل کېدو سره په روان زېږديز کال کې د ناټو د وژل شويو سرتېرو شمېره ١٤٥ تنو ته ورسېده، چې ١١٦ يې امريکايان دي.