جلال اباد ( پژواک ١٧ ليندۍ ٩٢ ) : د زونونو ترمنځ د کرکټ د شل اووريزو سياليو په ترڅ کې د سپين غر زون لوبډلې د مس عينک زون لوبډلې ته ماتې ورکړه.
د زونونو د کلبونو ترمنځ د (انټراکلب) په نامه دغه شل اووريزې سيالۍ دليندۍ په ١٧مه،د ننګرهار ولايت د بهسودو پله د کرکـټ په لوبغالي کې پيل شوې دي.
د سپين غر زون د کرکټ ادارې يوه کارکوونکي سيدحسرت سادات پژواک خبري اژانس ته وويل ، چې د نننۍ لوبې پچه سپين غر زون وګټله او لومړى يې د لوبې پرېکړه وکړه.
هغه زياته کړه ،چې د سپين غر زون کلب لوبډلې په ټاکل شويو ٢٠ اورونو کې د ١٠ لوبغاړو په سوځېدو ١٧١ منډې جوړې کړې او مس عينک ته يې د ١٧٢ منډو هدف ورکړ.
سادات وويل ، چې د مس عينک زون د کلب لوبډلې ياد هدف ترلاسه نه شواى کړى او په ټاکل شويو ٢٠ اورونو کې يې ١٦٦ منډې جوړې کړې او دغه راز د سپين غر زون لوبډلې د پنځو منډو په توپير سره دا لوبه وګټله.
GET IN TOUCH
NEWSLETTER
SUGGEST A STORY
PAJHWOK MOBILE APP