غزني ښار(پژواک ۳۰ ليندۍ ۹۲) په غزني ولايت کې امنيتي مسوولين وايي ، چې د کابل – کندهار پر لويه لاره يې ٥١٥ کيلو ګرامه تارياک نيولي دي.
د غزني امنيه قوماندان غلام محي الدين سروري د ليندۍ په ٣٠مه، پژواک خبري اژانس ته وويل ، چې دغه ترياک په يوه بار وړونکي موتر کې ځاى پر ځاى شوي وو.
هغه زياته کړه ، چې قاچاقچيانو دغه توکي له مزار شريف څخه راوړي او غوښتل يې چې هرات ولايت او بيا يې ايران ته ولېږدوي.
سروري وويل ، چې پوليسو ياد توکي د موټر د تالاشۍ پر مهال له دوو کسانو سره نيولي او له نيول شويو کسانو څخه پوښتنې پيل شوې دي.
ياده دې وي ، چې څه موده وړاندې هم د غزني پوليسو يوه اندازه ترياک او چرس نيولي وو.
