په سنګین کې ۱۱ وسله وال طالبان وژل شوي

لښکرګاه(پژواک ۲۴چنګاښ۹۳): امنیتي مسوولین وايي،چې د هلمندپه سنګین کې دیو لړ عملیاتو په ترڅ کې ۱۱ وسله وال طالبان وژل شوي او دوه نور يې ټپيان   دي.

د ۲۱۵ میوند قول اردو مطبوعاتي مسوول ډګروال محمد رسول ځاځي پژواک خبري اژانس ته وويل، چې نن سهار  د سنګين ولسوالۍ د ″شکرشيله″ په سيمه  کې د ګډو ځواکونو له لوري عمليات شوي.

نوموړي زیاته کړه، چې په دې عملياتو کې ١١  وسله وال  وژل شوي ، دوه يې ټپيان دي ، ۶۰ کړۍ ماینونه هم نيول شوي  او امنیتي ځواکونو ته هیڅ زیان نه دی اوښتی.

بله خواطالب ویاند قاري یوسف احمدي وايي، دسنګین په″ساروان کلا″سیمه کې يې د مخامخ جګړې په ترڅ کې ۶  او دګرشک په نهرسراج  کې يې  دماین په چاودنه کې پنځه سرتېري وژلي دي.

چارواکو دا ادعا رد کړې ده .