لښکرګاه ( پژواک، ۳۰ تله ۹۳) : د هلمند ولایت په مرکز لښکرګاه ښار کې د سرحدي پولیسو پر قوماندان ځانمرګی برید شوی دی.
دا ځانمرګی برید نن دتلې په ۳۰مه، دسهار په شاوخوا ۶:۲۰ بجو د لښکرګاه ښار د بولان په سیمه کې شوی دی.
د هلمند د والي ویاند عمر ځواک پژواک خبري اژانس ته وویل چې ځانمرګي بریدګر له چاودیدونکو توکو ډک خپل موټر ته د ۶۰۴ زون سرحدي بولیسو قراره ګاه مخې ته دقوماندان جنرال سلطان محمد د موټرو له کاروان سره نږدې چاودنه ورکړې.
هغه وایي چې د قوماندان موټر له بریده روغ وتلی، خو ورپسې روان د ساتونکو موټر یې هدف ګرځیدلی دی.
د والي ویاند وایي چې په دې پيښه کې درې پولیس ژوبل شوي دي.
خو عیني شاهدان وایي چې د پولیسو موټر اور اخیستی او امکان شته چې یو شمیر پولیس وژل شوي وي.
Views: 0
GET IN TOUCH
NEWSLETTER
SUGGEST A STORY
PAJHWOK MOBILE APP