ﺩ ﺯﺍﺑﻞ ﺩ ﺭﺳﻨﯿﻮ ﺧﭙﻠﻮﺍﮎ ﻣﺮﮐﺰ ﭘﻪ ﻓﻌﺎﻟﯿﺖ ﭘﯿﻞ ﻭﮐړ

کلات (پژواک ٩ لړم ٩٣): ﭘﻪ ﺯﺍﺑﻞ ﮐﯥ ﺩ ﺭﺳﻨﯿﻮ ﺍﻭ ﺧﺒﺮﯾﺎﻻﻧﻮ ﺗﺮﻣﻨځ ﺩ همغږۍ ﺩ ﺯﯾﺎﺗﻮالي ﺍﻭ ﭘﺮﻣﺨﺘګ ﭘﻪ ﻣﻮﺧﻪ په ﺪﯤ ﻭﻻﯾﺖ ﮐﯥ ﺩ ﺭﺳﻨﯿﻮ ﺧﭙﻠﻮﺍﮎ ﻣﺮﮐﺰ ﭘﻪ ﻓﻌﺎﻟﯿﺖ ﭘﯿﻞ ﻭﮐړ.

ﺩﻏﻪ ﻣﺮﮐﺰ ﭼﯥ ﺩ ﻣﺴﻮﻭﻟﯿﻨﻮ ﭘﻪ ﺧﺒﺮﻩ ﯾﯥ، ﺩ ټولو ﺩﻭﻟﺘﻲ ﺍﻭ ﻧﺎﺩﻭﻟﺘﯽ ﺭﺳﻨﯿﻮ ﺍﺳﺘﺎﺯﻱ ﺑﻪ په کې ﺑﺮﺧﻪ ﻭﺍﻝ ﻭي، ﻟﻪ ﺩﻭﻟﺘﻲ ﺍﺩﺍﺭﻭ ﺳﺮﻩ به ﺩ همغږۍ ﺩ ﺯﯾﺎﺗﻮﺍﻟﻲ هڅه وکړي.

 ﺩ ﺯﺍﺑﻞ ﻭﺍﻟﻲ ﻣﺤﻤﺪ ﺍﺷﺮﻑ ﻧﺎﺻﺮﻱ ﺩ ﺩﻏﻪ ﻣﺮﮐﺰ ﺩ ﭘﺮﺍنېستې ﭘﺮ ﻣﻬﺎﻝ ﺧﻮښي ﻭښوﺩﻩ، ﭼﯥ ﭘﻪ ﺩﯤ ﻭﻻﯾﺖ ﮐﯥ ﺩ ﺭﺳﻨﯿﻮ ﺧﭙﻠﻮﺍﮎ ﻣﺮﮐﺰ ﭘﻪ ﻓﻌﺎﻟﯿﺖ ﭘﯿﻞ ﻭﮐړ.

ﻧﻮﻣﻮړﻱ ﻭﻭﯾﻞ، دوى ﺑﻪ هڅه ﻭﮐړﻱ، ﭼﯥ ﺩﻏﻪ ﻣﺮﮐﺰ ﭘﯿﺎﻭړﯼ ﮐړي، ﺗﺮڅو ﺩ ﻧﻮﺭﻭ ﻭﻻﯾﺘﻮﻧﻮ ﺩ ﻣﻄﺒﻮﻋﺎﺗﻲ ﻣﺮﮐﺰﻭﻧﻮ ﭘﻪ څېر ﺩﺍ ﻣﺮﮐﺰ ﻫﻢ غښتلى ﺷﻲ.

ﺩ ﺯﺍﺑﻞ ﺍﻣﻨﯿﻪ ﻗﻮﻣاﻨﺪﺍﻥ ﻣﻞ ﭘﺎﺳﻮﺍﻝ ﻏﻼﻡ ﺳﺨﻲ ﺭﻭﻍ لېوني ﻫﻢ ﺩ ﺧﭙﻠﻮ ﺧﺒﺮﻭ ﭘﺮ ﻣﻬﺎﻝ، په ﺪﯤ ﻭﻻﯾﺖ ﮐﯥ ﻣېﺸﺘﻮ ﺩ ﺭﺳﻨﯿﻮ ﺍﺳﺘﺎﺯﻭ ﺗﻪ ﺩ ﻫﻤﮑﺎﺭۍ ﮊﻣﻨﻪ ﻭﺭﮐړﻩ ﺍﻭ ﺯﯾﺎﺗﻪ ﯾﯥ ﮐړﻩ، ﭼﯥ ﺩ ټوﻟﻮ ﺍﻣﻨﯿﺘﻲ ﭘېښو ﺩ ﺷﺮﯾﮑﻮﻟﻮ ﭘﻪ ﺍړﻩ ﺑﻪ ﺩ ﺭﺳﻨﯿﻮ ﻟﻪ ﺧﭙﻠﻮﺍﮎ ﻣﺮﮐﺰ ﺳﺮﻩ ﻫﻤﮑﺎﺭۍ ﺗﻪ ﺩﻭﺍﻡ ﻭﺭﮐړﻱ.

د ده په وينا، ﺭﺳﻨۍ ﭘﻪ ﺩﻭﻟﺘﯽ ﭘﺮمختګونو ﮐﯥ ﻣﻬﻢ ﺭﻭﻝ ﻟﺮي ﺍﻭ ﻟﻪ ﻻﺭې ﯾﯥ ﺩ ﺩﻭﻟﺖ ﺍﻭ ﻭﻟﺲ ﺗﺮﻣﻨځ ﺍړﯾﮑې ﭘﻴﺎﻭړې ﮐېږﻱ.

ﺩ ﺯﺍﺑﻞ ﺩ ﺭﺳﻨﯿﻮ ﺩ ﺧﭙﻠﻮﺍﮎ ﻣﺮﮐﺰ ﺭﯾﯿﺲ ﺍﺣﻤﺪ ﻭلي ﺳﺮﺣﺪﻱ ﻭﺍﻳﻲ، ﺩﺍ ﻣﺮﮐﺰ ﺩ ﺩﯤ ﻭﻻﯾﺖ ﺩ ټوﻟﻮ ﺧﺒﺮﯾﺎﻻﻧﻮ ﺩ ﺭﺍټولېدو ﻣﺮﮐﺰ ﺩى ﺍﻭ ﻟﻪ ﻻﺭې ﺑﻪ ﯾﯥ هڅه ﻭﺷﻲ، ﭼﯥ ﺩ ﺧﺒﺮﯾﺎﻻﻧﻮ ﮐﺎﺭي ﻭړﺗﯿﺎﻭې ﻭﺭﺳﺮﻩ ﺯﯾﺎﺗې ﺷﻲ.

ﺩ هغه په وينا، ﺗﺮ ﺩﯤ ﻭړﺍﻧﺪې ﭘﻪ ﺯﺍﺑﻞ ﮐﯥ ﺩ ﺑېﻼﺑېﻠﻮ ﺭﺳﻨﯿﻮ ﺍﺳﺘﺎﺯﻭ ﭘﻪ ﯾﻮاځې ﺗﻮګه ﮐﺎﺭ ﮐاوه، ﺧﻮ ﺩ ﺩﯤ ﻣﺮﮐﺰ ﭘﻪ ﻣﺮﺳﺘﻪ ﯾﯥ ﺑﻪ يې ﮐﺎﺭﻭﻧﻪ همغږي ﺷﻲ ﺍﻭ ﺩ ﺩﯤ ﻭﻻﯾﺖ پېښو ﺗﻪ ﺑﻪ ښه ﺍﻧﻌﮑﺎﺱ ﻭﺭﮐړﯼ ﺷﻲ.

ﻧﻮﻣﻮړﻱ ﻟﻪ ﺩﻭﻟﺘﻲ ﭼﺎﺭﻭﺍﮐﻮ ﻏﻮښتنه ﻭﮐړﻩ، ﭼﯥ ﺑﺎﯾﺪ ﻟﻪ ﺭﺳﻨﯿﻮ ﺳﺮﻩ ﻫﻤﮑﺎﺭﻱ ﺯﯾﺎﺗﻪ ﮐړﻱ ﺍﻭ ﺧﺒﺮﯾﺎﻻﻧﻮ ﺗﻪ د ﻣﻌﻠﻮﻣﺎﺗﻮ ﭘﻪ ﻭﺭﮐﻮﻟﻮ ﮐﯥ ﻣﻮﺟﻮﺩﯤ ﺳﺘﻮﻧﺰې ﻟﻪ منځه ﯾﻮﺳﻲ.

ﺩ ﺩﯤ ﻭﻻﯾﺖ ﺩ ﺍﻃﻼﻋﺎﺗﻮ او فرهنګ ﺭﯾﯿﺲ ﻋﺒﺪﺍﻟﻤﻘﯿﻢ ﺍﻓﻐﺎﻥ ﻭﺍﻳﻲ، ﭼﯥ ﺩ ﺭﺳﻨﯿﻮ ﺩ ﭘﺮﻣﺨﺘګ ﯾﻮﺍځينۍ ﻻﺭﻩ ﺩ ﺧﺒﺮﯾﺎﻻﻧﻮ ﺗﺮﻣﻨځ ﯾﻮﻭﺍﻟﯽ ﺩﯼ ﺍﻭ ﺩ ﺩﻭى ﺭﯾﺎﺳﺖ ﺑﻪ په ﺪﯤ ﺍړﻩ ﺧﭙﻠﯥ ټولې هڅې ﻭﮐړﻱ.

اﻓﻐﺎﻥ ﺩ ﺩﻏﻪ ﺭﺳﻨﯿﺰ ﻣﺮﮐﺰ ﭘﻪ ﺟﻮړېدو ﮐﯥ ﺩ ټوﻟﻮ ﺧﺒﺮﯾﺎﻻﻧﻮ ﻟﻪ منډو ترړو ﻣﻨﻨﻪ ﻭﮐړﻩ ﺍﻭ ټينګار ﯾﯥ ﻭﮐړ، ﭼﯥ ﺑﺎﯾﺪ ﺩ ﯾﻮﻭﺍلي ﻟﭙﺎﺭﻩ ﺧﭙﻠﯥ هڅې ﻻ ﺯﯾﺎﺗې ﮐړﻱ.

ﭘﻪ ﺯﺍﺑﻞ ﮐﯥ ﺩ ﺭﺳﻨﯿﻮ ﺧﭙﻠﻮﺍﮎ ﻣﺮﮐﺰ په داسې ﺣﺎﻝ ﮐﯥ ﭘﻪ ﻓﻌﺎﻟﯿﺖ ﭘﻴﻞ ﮐﻮﻱ، ﭼﯥ ﭘﻪ ﺭﻭﺍﻥ ﮐﺎﻝ ﮐﯥ ﭘﻪ ټول ﻫﯧﻮﺍﺩ ﮐﯥ ﺩ ﺭﺳﻨﯿﻮ ﭘﺮ ﻭړﺍﻧﺪﯼ ﺳﺘﻮﻧﺰې ﺯﯾﺎﺗې ﺷﻮﯤ ﺍﻭ ﯾﻮ ﺷﻤﯧﺮ ﺧﺒﺮﯾﺎﻻﻥ ﻭﮊﻝ ﺷﻮﻱ ﺩﻱ.