کندهار ښار ( پژواک، ٢٨ مرغومى ٩٣ ) : په کندهار ولايت کې ديوې چاودنې له امله د جومات ملا امام وژل شوى دى.
د کندهار د والي وياند صميم خپلواک د مرغومي په ٢٨مه، پژواک خبري اژانس ته وويل چې دا چاودنه تېره ورځ ناوخته د پنجوايي ولسوالۍ د ناخوني په سيمه کې شوې ده.
هغه زياته کړه، چې چاودنه په لاره کې په ياد ملا امام شوې چې له امله يې هغه وژل شوى او د پېښې له ځاى سره روان دوه سيمه ييز پوليس ټپيان شوي دي.
د نوموړي په وينا، تر چاودنې وروسته پوليسو په سيمه کې يوتن له چاودېدونکو توکو سره نيولى او هغه منلې چې په ياده چاودنه کې يې لاس درلود.
د والي وياند دغه راز وويل چې پرون په ميوند ولسوالۍ کې د ملي ځواکونو په عملياتو کې څلور وسله وال وژل شوي او پنځه نور يې ټپيان دي.
وسله والو مخالفينو تر اوسه د يادو پېښو په اړه څه نه دي ويلي.
