پل علم (پژواک، ١٩ وږى ٩٤): د لوګر د محمداغې ولسوالۍ د سيمه ييزو پوليسو قوماندان په کابل کې وژل شوى دى.
د محمداغې امنيه قوماندان څارمن مطيع الله عبدالرحميزي د وږي په ١٩مه پژواک خبري اژانس ته وويل چې دا پېښه پرون ماښام مهال د کابل ښار د لومړۍ حوزې اړوند د باغ عليمردان په سيمه کې رامنځته شوې ده.
هغه زياته کړه چې د محمداغې ولسوالۍ د سيمه ييزو پوليسو قوماندان شاه اغا د کابل ښار په ياده سيمه کې پلى روان و چې نامعلومو وسله والو پرې ډزې کړې، هغه يې وژلى او بريدګر په تېښته بريالي شوي دي.
د عبدالرحيمزي په وينا، وسله والو طالبانو څو ځلې هغه ته د مرګ ګواښونه کړي وو او کېداى شي هغه د طالبانو له خوا وژل شوى وي.
د کابل پوليسو وسله والو طالبانو تر اوسه په دې اړه څه نه دي ويلي.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP