کلات(پژواک،٢٣ورى٩٥): د زابل ولايت پوليسو دوه سوه کيلوګرامه هيروين نيولي چې په تړاو يې څلور تنه هم نيول شوي دي.
د دې ولايت د ا منيې قوماندانۍ د امنيت امر غلام جيلاني فراهي د وري په٢٣مه پژواک خبري اژانس ته وويل چې د دې ولايت پوليسو وکولى شول دوه سوه کيلوګرامه هيروين د کابل_ کندهار پر لويه لار ونيسي.
ده وويل چې دغه نشه يي توکي په مني بوس موټر کې د اوړو له بوريو سره په ډير مهارت ځاى پرځاى شوي او غوښتل يې چې له کابل څخه يې کندهار ولايت ته ولېږدوي چې د پوليسو له لوري ونيول شول.
فراهي وايي چې د دې نشه يي توکو په تړاو څلور تنه هم نيول شوي دي.
هغه زياته کړه چې په دې ولايت کې يې د نشه يي توکو پر وړاندې جدي مبارزه پيل کړې ده.
داسې مهال په زابل ولايت کې نشه يي توکي نيول کيږي چې سږ کال يواځې د هلمند ولايت په ٨٠ زره هکتاره ځمکه کې کوکنار کرل شوي دي.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP