پل علم(پژواک، ۲۷ وری ۹۵): د لوګر سلګونو ځوانانو، مدني فعالانو اود ولايتي شورا ځينې وکيلانو د کليو د پراختيا وزير په ملاتړ لاريون وکړ او د ولسي جرګې له اداري پلاوي يې وغوښتل چې سخي مشواڼی عدلي او قضايي ارګانونو ته معرفي کړي.
د چهارشنبې په ورځ ولسي جرګې د ماليې وزير اکليل حکيمي، د کليو پراختيا وزير نصير احمد درانى او د فوايد عامې وزير محمود بليغ د پوښتنو د ځوابولو په موخه ور غوښتي وو.
د خبرو پر مهال کله چې د کونړ وکيل سخي مشواڼي له ټاکلي وخته ډېرې خبرې وکړې، نو د ولسي جرګې منشي پرې مايک بند کړ چې په غبرګون کې يې مشواڼى پاڅېد، لومړى يې له منشي سره شخړه وکړه او بيا يې د کليو پراختيا پر وزير دراني ګوزار وکړ.
نن د کليو پراختيا د وزير نصير احمد دراني په ملاتړ سلګونو تنو د لوګر له محمداغې له ولسوالۍ څخه تر پل علم پور لاريون وکړ او د کليو پراختيا د وزير په ملاتړ يې شعاورنه ورکول.
د دې ولايت د ولايتي شورا مشر سيد قريب الله سادات چې په لاريون کې يې ګډون درلود پژواک خبري اژانس ته وويل چې په ولسي جرګه کې د کونړ د خلکو د استازي سخي مشواڼي کړنې د ولسي جرګې د کورنيو دندو خلاف عمل دی او بايد نوموړی محاکمه شي.
هغه زياته کړه، ولسي جرګه د ملت کور دی او مشواڼي د ملت کور ته سپکاوی کړی دی.
د ولايت شورا وکيل محمد ناصر غيرت هم د مشواڼي دا کار په کلکو ټکو وغانده او د ولسي جرګې له اداري پلاوي يې غوښتنه وکړه چې د نوموړي وکالت ختم او عدلي او قضايي ارګانونو ته دې معرفي شي.
مدني فعال سيد مطيع الله وويل، سخي مشواڼى له دې امله چې د ملت کور ته يې سپکاوی کړی بايد مجازات شي.
هغه وويل چې که د ولسي جرګې اداري پلاوى د هغه د مجازات په اړه اقدام ونه کړي نو دا کار به په يوه فرهنګ بدل شي.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP