مهترلام (پژواک، ٢١ زمرى ٩٥): چارواکي وايي چې په لغمان ولايت کې د يوې چاودنې له امله پنځو کسانو ته مرګ ژبله اوښتې ده.
د لغمان د والي وياند سرحدي ځوک د زمري په ٢١مه پژواک خبري اژانس ته وويل چې دا چاودنه پرون ماښام د مهترلام ښار اړوند د اليشنګ ولسوالۍ پر لاره د خواجه صاحب په سيمه کې د دوهم ماموريت پر پوليسو شوې ده.
هغه زياته کړه چې په دې پېښه کې دوه پوليس او يو عام وګړى وژل شوي او دوه نور پوليس ټپيان شوي دي.
د ځواک په وينا، ټپيان روغتون ته وړل شوي او روغتيايي حالت يې د ډاډ وړ ښودل شوى دى.
طالبانو د دې چاودنې مسووليت پر غاړه اخيستى او د څلورو پوليسو د وژلو ادعا يې کړې ده.
د يادونې ده، له تېرو څو ورځو راهيسې د لغمان په مرکز مهترلام او شاوخوا سيمو کې جنګونه روان دي
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP