ښرنه (پژواک، د تلې لومړۍ نېټه ٩٥): د پکتيکا ولايت په خيرکوټ ولسوالۍ کې د ولايتي شورا د وکيلې زوی د وسله والو طالبانو له لوري وژل شوی دى .
د ولايتي شورا د وکيلې خاوند زمرک کټوازي د تلې په لومړۍ نېټه، پژواک خبري اژانس ته وويل چې زوی يې د خيرکوټ ولسوالۍ د منارې په سيمه کې د وسله والو طالبانو په يو کمين کې وژل شوی.
هغه زياته کړه، چې زوی يې د پکتيکا ولايت په امنيه قوماندانۍ کې د ساتمن دنده درلوده، چې خپل پلرني کلي ته نږدې د وسله والو طالبانو له لوري پر ډزو سره وژل شوى.
بلخوا ددې ولايت په مټاخان ولسوالۍ کې يوتن ماين خښوونکی د خپل ماين په چاودنه کې وژل شوی.
دغه راز د پکتيا ولايت په ګردېز ښار کې هم يو تن ماين خښوونکى د خپل ماين په چاودنه کې وژل شوى.
وسله والو طالبانو تر اوسه د يادو پېښو په اړه څه نه دي ويلي.
login or register a new account.
