کلات (پژواک، ٢٥ ليندۍ ٩٥): چارواکي وايي چې په زابل ولايت کې د يوې چاودنې له امله د يوې کورنۍ پنځو کسانو ته مرګ ژوبله اوښتې ده.
د زابل د شهر صفا ولسوال عبدالصمد دراني د ليندۍ په ٢٥مه پژواک خبري اژانس ته وويل چې دا پېښه تېره شپه د دې ولسوالۍ په سراج کلي کې د حاجي پيرمحمد په کور کې رامنځته شوې ده.
هغه زياته کړه چې د يادې کورنۍ يوه ماشوم له يوې سرګلولې سره لوبه کوله چې ناڅاپه پرې چاودنه شوې ده.
د نوموړي په وينا، په دې چاودنه کې دوه ماشومان وژل شوي او د يوې مېرمنې په ګډون دوه نور ماشومان ټپيان شوي دي.
ولسوال وويل چې ټپيان د کندهار ميرويس روغتون ته د درملنې په موخه لېږدول شوي دي.
د دې چاودنې مسووليت چا پرغاړه نه دی اخيستى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن