په لغمان کې ٢٢ وسله والو او سرتېرو وسله والو ته مرګ ژوبله اوښتې

مهترلام (پژواک، ١٩ ورى ٩٦): چارواکي وايي، په لغمان کې د عملياتو پر مهال ١٦ وسله والو مخالفينو ته مرګ ژوبله اوښتې ده.

د لغمان د والي وياند سرحدي ځواک د وري په ١٩ مه، پژواک خبري اژانس ته وويل، چې په لغمان کې له تېرې ورځې راهیسې د الماس ۲ په نوم د افغان ګډو ځواکونو له لوري عمليات پيل شوي دي.

هغه زياته کړه، د دې عملياتو او وسله والو نښتو له امله د وسله والو مخالفینو ۷ تنه وژل شوي، ۹ نور یې ټپيان دي او دغه راز ۹ تنه مشکوک کسان بیا د افغان امنیتي ا دفاعي ځواکونو له خوا ژوندي نیول شوي دي.

د ځواک په وينا، په وژل شویو او ټپيانو کې د جنت ګل او مارشالي د وسله والو ډلو غړي شامل دي، چې په یادو سیمو کې یې د سړک غاړې د ماینونو په ځای پر ځای کولو، د بې ګناه خلکو په وژلو او نورو ورانکاريو کې یې لاس درلود.

دى وايي، دغه عملیات چې لا هم د عمرزیو په قریه کې دوام لري، شاوخوا ۱۱۰ لوی او واړه کلي به په کې د افغان امنیتي او دفاعي ځواکونو له خوا تصفیه او تلاشي شي او تر څنګ به یې د یادو کلیو او د مرکز مهترلام د امنیت د خوندیتوب په موخه شمکټ درې او د مرکز یو شمېر سیمو ته د مخالفینو د تګ راتګ د لارو د تړلو په خاطر په سلطان کلي او دوه نورو مهمو ځایونو کې د امنیتي او دفاعي ځواکونو مشترک پوځي مرکزونه هم ځای پر ځای شي.

د والي وياند زياتوي، همداراز په پيل شویو عملیاتو کې تر دې دمه ۶ تنه امنیتي او دفاعي سرتېري هم برسېرن ټپيان شوي چې روغتیايي حالت يې د ډاډ وړ دی.

login or register a new account.