کلات (پژواک، ٢٨ غويى ٩٦): چارواکي وايي چې د زابل ولايت په مرکز کلات ښار کې د يوې چاودنې له امله دوه ماشومان وژل شوي دي.
د زابل د والي وياند ګل اسلام سيال د غويي په ٢٨مه پژواک خبري اژانس ته وويل چې د مرکز کلات شمال لور ته د اومکي په سيمه کې وسله والو طالبانو د يوې فرعي لارې پر سر ماين خښ کړی و، څو امنيتي ځواکونه په نښه کړي.
خو هغه زياته کړه چې ياد ماين پر هغو دوو ماشومانو چاودېدلى چې خپلو کورنو ته په لاره وو او دواړه وژل شوي دي.
سيال وايي له چاودنې وروسته امنيتي ځواکونه سيمې ته ورسېدل او د پېښې قربانيان يې روغتون ته ولېږدول.
وسله والو مخالفينو تر اوسه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن