کندوز (پژواک، ٤ غبرګولى ٩٦): د کندوز- خان اباد لوىې لارې اوږدو کې پر امنيتي پوستو د وسله والو مخالفينو بريد له امله، دا لويه لار د ترافيکو پر مخ تړل شوې ده.
د سپين زر ٨٠٨ زون قوماندانۍ وياند محفوظ الله اکبري نن پژواک خبري اژانس ته وويل چې وسله والو مخالفينو نن سهار شاوخوا پنځه بجې د کندوز-خان اباد لويې لارې پر سر د خان اباد ولسوالۍ د اندارابي قشلاق او عکس داود سيمو کې امنيتي پوستې تربريد لاندې راوستې.
نوموړي زياته کړه چې تر اوسه د وسله والو مخالفينو اوامنيتي ځواکونو تر منځ نښته روانه ده.
اکبري وويل چې درې طالبان ټپي شوي او د اندرابي قشلاق ، عکس داود او ګودام پر پوستو اوس هم جګړه روانه ده.
نوموړي زياته کړه چې د دې نښتې په پايله کې د کندوز- خان اباد لويه لار تړل شوې ده او لسګونه موټر د لوې لارې دواړو خواو ته بند پاتې دي.
نورجزئيات به وروسته خپاره شي.
login or register a new account.
