دفاع وزارت : ٧٧وسله وال وژل شوي دي

کابل(پژواک، ١۲ غبرګولى ٩٦): د ملي دفاع وزارت وايي چې په تېرو ٢٤ساعتونو کې په بېلابېلو ولايتونو کې ٧٧وسله وال وژل شوي او ٤٧نور ټپيان شوي دي.

په هغه خبرپاڼه کې چې د ملي دفاع وزارت لخوا پژواک اژانس ته رالېږل شوې، راغلي چې دغه وسله وال د امنيتي ځواکونو په عملياتو کې وژل شوي .

 دفاع وزارت وايي چې په دې عملياتو کې د وسله والو يو شمېر قوماندانان هم وژل شوي،  دغه راز يو شمېر ماينونه شنډ شوي او د هغوى ځينې وسلې او مهمات هم امنيتي ځواکونو ترلاسه کړي . 

 سرچينې د امنيتي سرتېرو د مرګ ژوبلې په اړه څه نه دي ويلي .

وسله والو طالبانو هم تراوسه د دفاع وزارت ددې ادعا په اړه څه نه دي ويلي .