کلات (پژواک، ٢٨ چنګاښ ٩٦): سرچينې وايي چې په زابل ولايت کې د وسله والو طالبانو په بريد کې دوو پوستو سقوط کړى او لسو سرتېرو ته مرګ ژوبله اوښتې ده.
د زابل ولايت يوې امنيتي سرچينې چې د نوم له اخیستو يې ډډه کوله، د چنګاښ په ٢٨مه پژواک خبري اژانس ته وويل چې وسله والو دغه بريد تېره شپه د ارغنداب ولسوالۍ د باغ په سيمه کې کړی دی.
سرچينې زياته کړه چې ګڼ شمېر وسله والو په ياده سيمه کې د امنيتي ځواکونو پر ځينو پوستو بريدونه کړي چې له امله يې دوو پوستو سقوط کړى.
يادې امنيتي سرچينې وويل چې په دغو بريدونو کې پنځه پوليس او يو د ملي اردو سرتېري وژل شوي، دوه پوليس او درې د اردو سرتېري ټپيان دي.
سرچينه وايي چې په نښتو کې وسله والو ته مرګ ژوبله اوښتې، خو کره شمېر ورته نه دی معلوم.
طالبانو ويلي چې د ارغنداب په جګړه کې يې دوه پوستې نيولې او ١٦ سرتېري يې وژلي دي.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP