کابل (پژواک، ٣٠ ليندۍ ٩٦): چارواکي وايي چې امنيتي ځواکونو د زابل په مرکز کلات ښار کې د يوه موټربم د چاودنې مخه نيولې ده.
د زابل د والي وياند ګل اسلام سيال د ليندۍ په ٣٠مه پژواک خبري اژانس ته وويل چې د ملي امنيت ځواکونو له چاودېدونکو توکو ډک یو کرولا موټر د کلات ښار اړوند د بسکې پول په سيمه کې کشف کړ.
هغه زياته کړه چې پرون ناوخته د زبل د والي خيال محمد حسيني، مرستيال والي او د ملي امنيت د رييس په ګډون د یوه پلاوي په حضور کې یاد موټر ته چاودنه ورکړل شوه.
سيال وايي، وسله والو مخالفينو پلان درلود چې د یاد موټربم په وسیله د ولايت پر مقام، امنيې قوماندانۍ، ولايتي شورا او يا هم د ملي امنيت پر رياست برید وکړي.
د نوموړي په وينا چې د یاد موټربم راوستونکي له سيمې تښتېدلي، خو پولیسو یې پلټنه پیل کړې ده.
په دې اړه تر اوسه د دولت کومې وسله والې مخالفې ډلې څه نه دي ویلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن