مزارشريف (پژواک، ٧ مرغومى ٩٦): په بلخ ولايت کې د يوې چاودنې له امله شپږ ماشومان وژل شوي دي.
د بلخ د امنيې قوماندانۍ وياند شېرجان دراني د مرغومي په ٧ مه پژواک خبري اژانس ته وويل چې دا پېښه پرون مازديګر د دغه ولايت د دولت اباد ولسوالۍ په حيات کلي کې رامنځته شوې ده.
هغه زياته کړه چې دغه ماين د وسله والو مخالفينو له خوا ځاى پر ځاى شوى و او پر ماشومانو د لوبو پر مهال چاودلی دی.
درانى وايي چې په دې چاودنه کې د وژل شوو شپږو ماشومانو عمرونه له ٧ تر ١١ کلونو پورې دي.
د نوموړي په وينا، پوليسو په سيمه کې پلټنې پيل کړې دي.
د دې چاودنې مسووليت تر اوسه چا پر غاړه نه دى اخيستى.
login or register a new account.
