کلات (پژواک، ٢ ورى ٩٧): د کابل- کندهار پر لويه لار په يوه ترافيکي پېښه کې څلور کسان مړه او درې نور ژوبل شوي دي.
دا پېښه نن (د وري ٢مه) سهار شاوخوا نهه بجې د زابل د شهر صفا ولسوالۍ په مربوطاتو کې رامنځته شوې ده.
د زابل د ترافيکو مديريت مرستيال محمد فريد پژواک اژانس ته وويل چې پېښه د يادې ولسوالۍ د سوځېدلو موټرو په سيمه کې رامنځته شوې ده.
هغه زياته کړه چې پېښه د فيلډر او لارۍ موټرو د ټکر له امله رامنځته شوې چې په کې څلور تنه مړه او درې نور ټپيان شوي دي.
د فريد په وينا، ټپيان د پوليسو له لوري د کلات روغتون ته لېږدول شوي، خو د روغتيايي حالت په اړه يې معلومات نه درلودل.
درې ورځې مخکې هم په دغه ولايت کې د ترافيکي پېښې له امله څو کسانو ته مرګ ژوبله اوښتې وه.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن