ښرنه (پژواک، ١٤ ورى ٩٧): په ولسې جرګه کې د پکتيکا ولايت د استازي محمود سليمانخېل ورور تېره شپه د دولت د وسله والو مخالفينو له خوا په جومات کې وژل شوى دى.
د هغه وراره او د پکتيکا د ولايتي شورا غړي افسر خان د وري په ١٤مه،پژواک خبري اژانس ته وويل چې تره يې حاجي داوود تېر ماخوستن مهال په جومات کې پر لمانځه ولاړ و، چې د وسله والو طالبانو له خوا ووژل شو.
نوموړي زياته کړه چې هغه کومه دولتي دنده نه لرله او په سيمه کې يې قومي کارونه کول.
د پکتيکا ولايت امنيه قوماندان مل پاسوال محمد عظيم هاشمي پژواک اژانس ته ومنله چې د محمود سليمانخېل ورور حاجي داوود وسله والو طالبانو وژلى دى.
د نوموړي په وينا، تر يادې پېښې وروسته په سيمه کې د وسله والو طالبانو او پوليسو ترمنځ نښته هم شوې، چې په پايله کې يې درې وسله وال ټپيان شوي دي.
خو د سيمې اوسېدونکي وايي چې هلته هېڅ نښته نه ده شوې.
د يادونې ده چې حاجي داوود تر دې مخکې د پکتيکا ولايت د کليو د پراختيا د رييس په توګه دنده ترسره کړې وه.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP