خوست ښار (پژواک، ۹ غويی ۹۷): په خوست کې لسګونو کسانو د يوه لاريون په ترڅ کې د ټاکنو کمېسيون چارواکي پر بې کفايتۍ تورن کړل او ويې ويل چې د سياسي اشخاصو تر اغېزې لاندې راغلي دي.
په دغه لاريون کې چې د ولايتي شورا ځينو غړو، مدني فعالانو، قومي مشرانو او ځوانانو ګډون کړی و، د ټاکنو ولايتي دفتر مخې ته يې د دغه دفتر د مسوولينو پر ضد شعارونه ورکول.
د ولايتي شورا منشي قمر علي لکڼوال پژواک خبري اژانس ته وويل چې د يو شمېر سياسي اشخاصو په خوښه په دغه ولايت کې د نومونو ثبتولو او رايې ورکولو مرکزونه له يوه ځای نه بل ځای ته انتقال شوي دي.
هغه زياته کړه: ((په لوی لاس له يوه ځای نه بل ځای ته مرکزونه لېږدول شوي دي. هر مرکز له بل سره ۱۵ کيلومتره واټن لري. زموږ خلک دې مرکزونو ته رسېده ګي نه شي کولای.))
مدني فعال رفېع الله زيار د لاريون پر مهال پژواک اژانس ته وويل، د خوست خلک غواړي چې په راتلونکو ټاکنو کې پراخ ګډون وکړي خو سر له اوسه په دې برخه کې له ستونزو سره مخ دي.
ده وويل: ((که مرکزونه زيات نه شي، د خوست خلک په پراخ ډول ټاکنو کې ګډون نشي کولای. که د ټاکنو کمېسيون ورته اسانتيا برابره نه کړي، موږ د ټاکنو کمېسيون ولایتي دفتر ته قلف واچوو.))
د شمېرو له مخې، د پخوانيو ټاکنو پر مهال په دغه ولايت کې ۱۸۶ مرکزونه فعال وو، خو اوس دا شمېر ۱۹۲ ته رسېدلی مګر د لاريون کوونکو نيوکه دا ده چې د دغو مرکزونو ځايونه د اړتيا له مخې نه دي ټاکل شوي.
په همدې حال کې د خوست د ټاکنو کمېسيون ولايتي دفتر رييس عبدالرحمن محبت نه يواځې په ټاکنو کې د سياسي کسانو مداخله نه مني، بلکې وايي چې خپل کارونه يې په ډېر ښه ډول ترسره کړي دي.
نوموړي پژواک اژانس ته وويل چې د نوم ثبتونې او رای ورکولو مرکزونه د دوی د مرکزي دفتر له لوري ټاکل شوي چې له همدې کبله فکر نه کوي د کومو مشخصو کسانو په خوښه دې ټاکل شوي وي.
هغه زياته کړه: ((موږ ته هېچا د مداخلې سپارښتنه نه ده کړې. مرکزونه قومي مشرانو، ديني عالمانو له ولسوالانو سره يو ځای سروې کړي وو او بيا معلومات مرکز ته لېږلي وو.)) You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن