ښرنه (پژواک، ٢٥ چنګاښ ٩٧): د ملي امنيت ځواکونو د پکتيکا د ګمرک رييس د بډو اخيستو په تور نيولی دی.
په ښرنه کې د ملي امنيت يوې سرچينې د چنګاښ په ٢٥مه پژواک خبري اژانس ته وويل چې د ملي امنيت ځواکونو له لوري پرون ناوخته د دغه ولايت د ګمرک رييس احمدشاه ناصري د ٣٠زره ډالرو بډو اخيستو پر مهال لاس په لاس نيول شوى دى.
دغه راز د پکتيکا د ګمرک يوې سرچينې هم پژواک ته وويل چې د دوى رييس نيول شوى خو نور يې په اړه معلومات وړاندې نه کړل.
دا په داسې حال کې ده چې يوې بلې امنيتي سرچينې پژواک ته وويل چې د احمدشاه ناصري پلار هم د ملي امنيت ځواکونو له لوري نيول شوى دى.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP