کابل (پژواک، ۱۲ سلواغه ۹۷) د بریتانیا د ملي امنیت سلاکار او امریکا ځانګړي استازي زلمي خلیلزاد د افغان سولې لپاره پر بین الافغاني مذاکراتو ټینګار وکړ.
زلمي خلیلزاد دغه څرګندونې په لندن کې د افغانستان په اړه د تماس نړیوال ګروپ په غونډه کې تر ګډون وروسته په ټویټر کې کړې دي.
هغه زیاته کړې، چې په دې غونډه کې د افغانستان سوله، امنیت، ټاکنې پر اقتصادي پرمختګونو بحثونه وشول او خبرې وشوې.
خلیلزاده وایي : (( زه د افغانستان او خلکو لپاره یې د ښې راتلونکي لپاره هیله مند یم.))
نوموړي په یوه بل ټویټ کې لیکلي، چې د یادې غونډې په څنډه کې یې د بریتانیا د ملي امنیت سلاکار مارک سیډویل سره هم پر افغان سولې خبرې کړې.
سیډویل تر دې مخې په افغانستان کې د بریتان د سفیر او د ناټو د ملکي استازي په توګه دندې ترسره کړې دي.
د هغه په وینا، سیډول د افغان سولې په تړاو له روانو هڅو ملاتړ وکړ او دواړو لوریو پر بین الافغاني مذاکراتو ټینګار وکړ.
په لندن کې د نړیوال تماس ګروپ په غونډه کې د افغانستان د سولې عالي شورا ددار الانشاء رییس او د ولسمشر ځآنګړی استازی عمر داوودزي، د بهرنیو چارو وزارت مرستیال ادریس زمان او د یو شمیر نورو هیوادونو استازو برخه اخیستې ده.
login or register a new account.
