مهترلام (پژواک، ١٨ سلواغه ٩٧): د کابل- جلال اباد پر لويه لاره د لغمان ولايت په مربوطاتو کې د يوې ترافيکي پېښې له امله لسو کسانو ته مرګ ژوبله اوښتې ده.
د لغمان د والي وياند اسدالله دولتزي د سلواغې په ١٨مه پژواک خبري اژانس ته وويل چې دا پېښه نن غرمه شاوخوا يوه بجه د کابل ــ جلال اباد په لويه لار د قرغيو ولسوالۍ اړوند د خيروخېلو په سيمه کې رامنځته شوې ده.
هغه زياته کړه چې په ياده سيمه کې د دوو کرولا موټرو ترمنځ ټکر شوى چې له امله يې درې ماشومان او درې ځوانان مړه او څلور نور ټپيان شوي دي.
دولتزي وويل چې ټپيان نږدې روغتيايي مرکز ته انتقال شوي او اوس مهال يې روغتيايي وضعیت د ډاډ وړ ښودل شوى دى.
د نوموړي په وينا، امنيتي مسوولينو ويلي چې پېښه د ټوډي موټر چلوونکي د بې احتياطۍ له امله رامنځته شوې ده.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP