محمودراقي (پژواک، ٢٠ ورى ٩٨): د کاپیسا د مرکز اړوند د ده باباعلي سيمه کې یو تن پر عامو خلکو د لاسي بم بريد کړى او له امله يې یو تن وژل شوی او پنځه نور ټپيان دي.
د کاپیسا د امنیه قوماندانۍ ویاند سروش کوهستاني د دغو څرګندونو تر څنګ پژواک خبري اژانس ته وویل چې دغه بريد نن له غرمې وروسته په درېيو بجو شوى دى.
دى وايي چې وژل شوى تن نوى ځوان دى او ټپيان د درملنې لپاره د ده باباعلي روغتون ته لېږدول شوي دي.
د امنیه قوماندانۍ د ویاند په وینا، پولیسو په دې اړه دوه تنه نيولي او څېړنې ترې روانې دي تر څو د بم د غورځولو اصلي هدف څرګند شي.
د غفار په نوم د بازار یو تن دوکاندار وايي وژل تن نوى ځوان دى او د سړک پر غاړه يې سابه پلورل.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن