کابل (پژواک ٧ غبرګولى ٩٨): د افغانستان د ملي امنیت سلاکار د یوه لوړ پوړي پلاوي په مشرۍ د پاکستان پوځ مشر قمر جاوید باجوا په رسمي بلنې اسلام آباد ته ورسېد.
دغه مطلب په اسلام اباد کې د افغان سفارت له خوا په خپره شوې خبرپاڼه کې راغلى دى.
په خبرپاڼه کې زياته شوې چې ډاکټر حمدالله محب نن له غرمې وروسته د پاکستان پلازمېنې اسلام اباد ته ورسېد.
سرچينه کاږي، د پاکستان د پوځ لوی درستیز سره د رسمي ناستې او خبرو اترو ترڅنګ، ټاکل شوې ده چې محب د روژه ماتې په هغې مېلمستیا کې هم ګډون وکړي چې د باجوا له خوا چمتو شوې ده.
د یادونې وړ ده چې په دې رسمي سفر کې د کورنیو چارو وزارت سرپرست وزیر مسعود اندرابي او د افغانستان ملي امنیت شورا سلاکار مرستیال محمد حمید تهماسي له محب ملتیا کوي
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن