په دوو ترافیکي پېښو ۷ تنو ته مرګ ژوبله اوښتې

سمنګان (پژواک د ليندۍ لومړۍ نېټه ٩٨): د سمنګان مسوولين وايي چې د دې ولايت په دوو ترافیکي پېښو کې څلور تنه مړه شوي او درې نور ټپیان دي.

د دې ولايت د امنیه قوماندانۍ ویاند منیر رحیمي، پژواک خبري اژانس ته وويل چې لومړۍ پېښه تېر ماښام شاوخوا شپږ بجې په دلخکي کوتل سیمه کې شوې ده.

هغه زیاته کړه، یو ټیلر موټر چې له موټر سایکل سره یې ټکر کړی، په کې دوه تنه موټر سایکل سپاره مړه شوي دي.

ده دغه راز وويل، د ایبک ښار په لرغان سیمه کې د یوې بلې ترافیکې پېښې له امله چې د یوه موټر د چپه کېدو له امله رامنځ ته شوې، دوه تنه مړه شوي او درې نور ټپیان دي.