غزني کې درې پروژې ګټې اخیستنې ته وسپارل شوې

غزني ښار (پژواک، ۶ ليندۍ ۹۸): په غزني ولايت کې د څه باندې ۴۸.۴ ميليونه افغانيو په لګښت درې پروژې بشپړې او ګټې اخيستنې ته وسپارل شوې.

د غزني والي وحيدالله کليمزي د دې پروژو د پرانيستې پر مهال وويل چې په دې پروژو کې دوه سوداګريز بلاکونه، يو پارک او يوه د کانال رغولو پروژه شامله ده.

هغه زياته کړه چې د دغو پروژو  بشپړېدو پر مهال لسګونو کسانو ته د کار زمينه هم برابره شوې وه او ورسره به د ښاروالۍ عوايد هم لوړ شي.

يادې پروژې د غزني د ښاروالۍ له بودجې څخه ترسره شوې دي.

ښاروال مختار احمد ملکيار وویل، له سوداګريزو بلانکونو به تازه مېوې او سبزي ترلاسه کېږي او يو مشخص ځاى به ولري.