د غزني د ده یک ولسوالۍ ولسوال په یوه نښته کې ټپي شو

غزني ښار (پژواک ۲۹ لړم ۹۸) : د غزني ولایت دده یک ولسوالۍ ولسوال فضل الرحمن نظروال وسله والو مخالفینو سره په یوه نښته کې ټپي شوی دی.

د غزني د والي ویاند محمد عارف نوري وایې نظروال  چې له امنيتي ځواکونو سره يې ددې ولسوالۍ د رامک په سیمه کې په عملياتو کې د  امنيتي سرتيرو سره تللی وو  نن له غرمي وروسته وسله والو طالبانو سره  رامنځته شوي نښته کې پر پښه ټپي شو.

نوري وایې نظروال دمګړۍ تر درملني لاندې دى او روغتيايې وضعيت يې د ډاډ وړ دى.

هغه وایي، په رامنځته شوي نښته کې دريې تنه طالب وسله وال هم وژل شوي دي.