کابل (پژواک، ١٧ مرغومى ٩٨): د پاکستان د هوايي ځواک يوه الوتکه د تمريناتو پر مهال غورځېدلې او دوه پیلوټان یې هم مړه شوي دي.
د پاکستان رسنيو د مرغومي په ١٧مه د پوځ د سرچينو په حواله خبر ورکړى چې دا پېښه نن د پنجاب ولايت د ميانوالي په سيمه کې رامنځته شوې ده.
سرچينې زياته کړې، دغه اېف ٧ ډوله جنګي الوتکه د تخنيکي ستونزې له امله غورځېدلې او په کې سپاره دواړه پيلوټان مړه شوي دي.
د پاکستان هوايي ځواک ويلي چې د پېښې په اړه يې پلټنې پيل کړې دي.
د يادونې ده، تېر کال هم په همدې سيمه کې د پوځ يوه الوتکه غورځېدلې وه، خو پيلوټ يې خوندي و.
login or register a new account.
