کابل (پژواک ٥ سلواغه ٩٨): د کابل په کوټه سنګي کې د پوليسو پر رينجر موټر چاودنه شوې چې په کې يو ملکي وګړى وژل شوى او څلور نور ټپيان دي.
د کورنيو چارووزارت وياند نصرت رحيمي د ياد مطلب په تاييدولو سره وايي چې دغه پېښه نن ماښام ناوخته د درېيمې حوزې اړوند کوټه سنګي کې د پوليسو په رينجر موټر کې د مقناطيسي ماين له امله رامنځ ته شوې ده.
ده زياته کړې، په دې پېښه کې يو ملکي وګړى وژل شوى او څلور نور ژوبل شوي دي.
د سيمې يوه اوسېدونکي ادريس، پژواک ته وويل چې چاودنه درنه وه او د پېښې پرمهال يې ټپيان ليدلي دي.
د دې پېښې مسووليت تراوسه چا نه دى منلى.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن