کابل (پژواک ١٧ کب ٩٨): د افغانستان د سولې لپاره د امريکا د بهرنيو چارو وزارت ځانګړي استازي خليلزاد او د ملي امنيت سلاکار د سولې پر وروستيو پرمختګونو او نورو مسايلو خبرې کړې دي.
د ملي امنيت شورا له دفتر څخه پژواک خبري اژانس ته په رالېږل شوې خبرپاڼه کې راغلي چې د افغانستان د اسلامي جمهوریت د ملي امنیت سلاکار ډاکټر حمدالله محب د افغانستان د سولې لپاره د امریکا د متحدو ایالاتو د بهرنیو چارو وزارت له ځانګړي استازي زلمي خلیلزاد او په کابل کې د هغه هېواد سفارت له شارژدافیر راس ویلسن سره ولیدل.
سرچينه زياتوي، په دې لیدنه کې د هېواد د سولې پروسې پر وروستیو پرمختګونو، سیاسي تحولاتو او امنیتي وضعیت خبرې وشوې.
سرچينه کاږي، دغه راز پر دې هم بحث وشو چې څه ډول باید د سولې لپاره له ایجاد شوی فرصت نه په غوره توګه استفاده او راتلونکي اقدامات یې ښه رهبري شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن