کابل (پژواک، ۶ وری ۹۹) : د افغانستان اسلامي جمهوري دولت طالبانو سره د بین الافغاني مذاکراتو لپاره د معصوم ستانکزي په مشرۍ ۲۰ کسیز مرکچی پلاوی ټاکلی دی.
یوې حکومتي سرچینې چې د نوم له څرګندولو یې ډډه کوله د وري په ۶مه، پژواک خبري اژانس ته وویل چې، دا پلاوی ۲۰ غړي لري او مشری یې د ملي امنیت پخواني مشر معصوم ستانکزی کوي.
سرچینې زیاته کړه، چې په دې پلاوي کې د ښځو، سیاسي احزابو، علماو، ځوانانو او مدني ټولنې غړي شامل دي.
په دې پلاوي کې ډاکتر غیرت بهير، باتور دوستم، متين بيګ، نادر نادري، محمد ناطقي، ضرار احمد مقبل، حبيبه سرابي، رسول طالب، عنايت الله بليغ، خالد نور، شهلا فرید ، شریفه زرمتي ذکیه وردګ ، کلیم الله نقیبي ، جنرال ایوب انصاري ، زینب موحد، عبدالهادي ارغندیوال، حفیظ منصور، ډاکټر امین احمدي او شهلا فرید شامل دي.
login or register a new account.
