کندهار او پکتیا کې د دوو فسرانو په ګډون درې دولتي سرتيري ووژل شو

کندهار، ګردیز(پژواک، ۲۴ وری ۹۹) : وسله والو کسانو په کندهار او ګردیز ښارونو کې پر امنیتی کارکوونکو ډزې کړې او څلور کسان یې وژلي دي.

د کندهار ولایت یوې  امنیتي سرچینې د وري په ۲۴مه، پژواک اژانس ته وویل چې تر ماښام وروسته د لومړې امنیتي حوزې په ساحه کې اشرفیه مدرسې ته ځیره نامعلومو وسله والو د پولیسو پر یوه افسر ډزې کړې او هغه یې وژلی دی.

سرچینې زیاته کړه وژل شوی ډګروال محمد ګل نومیده تقاعد شوی و اوپخوا د امنیه قوماندانۍ ترهګرۍ سره د مبارزې مرستیال و.

د یو بل خبر له مخې د  پکتیا ولایت په مرکز ګردیز ښار کې هم دوسله  والو په برید کې درې دولتي کسان وژل شوي دي.

د پکتیا د والي ویاند عبدالله حسرت وایي چې په دې برید کې د ملي امنیت ښاري مدیر، د هغه موټر چلوونکی او د ښاروالۍ یو کارکوونکی وژل شوي دي.

دی وایي چې په دې اړه پلټنې پیل شوې دي.

وسله والو مخالفینو تر اوسه په دې اړه څه نه دي ويلی.