کابل کې د ولسمشر غني د پلار د تره زوی رشاد احمدزی وژل شوی

کابل(پژواک،۱۴چنګاښ۹۹):انجنیر رشاد احمدزی چې د ځینو سرچينو په خبره د ولسمشر د تره زوی دی، په کابل کې خپل کور کې پر ډزو وژل شوی دی.

د کابل د امنیې قوماندانۍ ویاند فردوس فرامرز پژواک خبري اژانس ته وویلچې رشاد احمدزی پرون د شپږمې حوزې اړوند د سناتوریم سیمه کې په خپل کې وژل شوی دی.

فرامز زیاته کړه چې د نوموړي مړی عدلي طب ته وړل شوی او د دې پېښې په اړه څېړنې پيل شوې دي.

فرامرز په دې اړه چې ګویا رشاد احمدزي له ولسمشر څه خپلوي درلوده، څه ونه ویل.

خو د لسمشرۍ ماڼۍ یوه سرچينه چې نه غواړې نوم یې واخيستل شي، پژواک خبري اژانس ته ویل چې رشاد احمدزی د ولسمشر محمد اشرف غني د پلار د تره زوی و.

تراوسه ددې پېښې مسوولیت کومې ډلې بر غاړه نه دی اخیستی.