خوست ښار کې ناپېژاندو وسله والو څلورو کسانو ته مرګ ژوبله واړوله

خوست ښار (پژواک، ۱۶ چنګاښ ۹۹): ناپېژاندو وسله والو په خوست ښار کې برید کړی چې دوه کسان یې ووژل او دوه نوريې ټپيان کړل.

دغه پېښه نن غرمه مهال شاوخوا يوه بجه د خوست ښار لومړۍ حوزې سره شوې.

د‌ خوست امنيه قوماندانۍ پېښه تاييدوي، خو د نورو جزيياتو په اړه څه وايي.

  خو د امنيه قوماندانۍ يوې بلې سرچينې پژواک ته وویل چې دغه پېښه کې دوه کسان وژل شوي او دوه نور ټپيان دي.

د سرچينې په وينا، وژل شوو او ټپيانو د امنيتي ځواکونو په ليکو کی دندې درلودې.

تر دې دمه د پېښې مسوولیت چا نه دی منلی.     ​