کابل (پژواک، ۱۱ تله ۹۹) : د افغانستان د اسلامي جمهوري دولت د سولې مذاکراتي پلاوي یو ځل بیا پر اوربند او تاوتریخوالی ټڼیګار کړی دی.
ددغه ټیم لخوا د تلې په ۱۱مه، د عدم تشدد د نړیوالې ورځې په مناسبت په یوه پیغام کې راغلي : (( زموږ خلک له ډېرو کلونو راهیسې د هغو تاوتریخوالو قرباني شوي چې ډېری یې د جګړې له امله دي. دغو تاوتریخوالو زموږ له خلکو څخه ډېرې قربانۍ اخیستې او د دوی د آرام او باثباته ژوند مخه یې نیولې ده.))
د افغانستان د اسلامي جمهوري دولت د سولې مذاکراتي ټیم ویلي چې پلاوی دغه اصل ته په ژمنتیا سره چې جګړې خاموشې شي او هر ډول تاوتریخوالی او اور ختم شي، د سولې لپاره پر خبرو بوخت دي او چمتو یو چې د دغې هیلې پوره کولو ته خپلې ټولې هڅې وکړي.
سرچینې زیاته کړې، اړتیا دا ده چې جګړه او اور د خلکو لپاره خپل ځای تاوتریخوالي-نشتون، تحمل او یو بل منلو ته پرېږدي او افغانستان د خپلو ټولو وګړو لپاره یوآرام او سولهییز هېواد شي.
login or register a new account.
