ګردېز (پژواک، ۲۱ کب ۹۹): د پکتيا ولايت د ابتدائيه عسکري څارنوالي يو څارنوال د ۱۰۰ زره افغانيو بډو اخيستو پر مهال لاس په لاس نيول شوی دی.
د پکتيا د امنيې قومانداني يوې باوري سرچينې د نوم نه ښودو په شرط پژواک ته وويل چې دا څارنوال تېره ورځ د امنيتي مسوولينو له خوا نيول شوی دی.
د سرچينې په خبره، نيول شوی څارنوال عبدالمنان نوميږي چې له يوه تن څخه يې په کومه مسئله کې د يادو پيسو غوښتنه کړې وه.
هغه زياته کړه چې څارنوال اوسمهال تر څېړنو لاندې دی.
د پکتيا د امنيې قوماندانۍ وياند لعل محمد اميري هم د عبدالمنان نيول کېدل مني، خو په دې اړه د نورو معلوماتو له ورکولو ډډه کوي.
اميري پژواک ته وويل: ((څارنوال د داخلي امنيت له خوا نيول شوی، نور معلومات يې لا نه دي معلوم چې څنګه نيول شوی دی.))
د يادونې ده چې تر دې وړاندې هم يو شمېر دولتي مسوولين د بډو اخيستو پرمهال لاس په لاس نيول شوي، خو خلک پر محاکمو نيوکې کوي چې يادو کسانو ته سمه او علني سزا نه ورکوي.
Views: 142
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن