سرچينه: زابل کې د یوې پوستې ۱۴ پولیس طالبانو ته تسلیم شوي

کندهار (پژواک، ۳۰ کب ۹۹): د زابل په شاجوی ولسوالۍ کې د یوې امنیتي پوستې ۱۴ پولیس طالبانو ته تسلیم شوي دي.

د شاجوی ولسوالۍ یوه لوړپوړي چارواکي د نوم نه اخیستلو په شرط د کب په ٣٠مه پژواک خبري اژانس ته وویل چې دغه ۱۴ پولیس تېره شپه له وسلو سره یو ځای طالبانو ته تسلیم شوي دي.

هغه زیاته کړه، دغو پولیسو د شاجوی ولسوالۍ د بازار په امنیتي پوسته کې دنده لرله.

سرچينه وايي، تر اوسه معلومه نه ده چې یاد پولیس ولې له وسله والو طالبانو سره یو ځای شوي، خو په دې اړه څېړنې روانې دي.

سرچینې زياته کړه ، د دوی معلومات دا دي چې تسلیم شوي پولیس له زابله کندهار ولایت ته تللي او هلته د طالبانو د سرې قطعې قوماندان حاجي لالا ته ورغلي دي.

وسله والو طالبانو په دې اړه څه نه دي ویلي.

  . . .

You need to subscribe to view the full article. Please login or register a new account.