ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې چاودنې دوه ملکي وګړي وژلي او ۱۸ نور يې ټپيان کړي

ننګرهار کې چاودنې دوه ملکي وګړي وژلي او ۱۸ نور يې ټپيان کړي

author avatar
7 Apr 2021 - 11:00
ننګرهار کې چاودنې دوه ملکي وګړي وژلي او ۱۸ نور يې ټپيان کړي
author avatar
7 Apr 2021 - 11:00

جلال اباد (پژواک، ۱۸ وری ۱۴۰۰): د ننګرهار مرکز جلال اباد ښار کې چاودنې دوه ملکي وګړي وژلي او د درېيو پوليسو په ګډون یې ۱۸ نور کسان ټپيان کړی دي.

ځايي چارواکي وايي چې چاودنه نن (د وري ۸۱مه) سهار شاوخوا شپږ بجې د دويمې ناحيې اړوند لغمان اډې سيمه کې شوې ده.

د ننګرهار امنيې قوماندانۍ وياند فريد خان د وري په ۱۸مه پژواک اژانس ته وويل، لومړني معلومات يې دا دي چې چاودنه د پوليسو رينجر موټر ته څېرمه شوې، يو پوليس او درې ملکيان يې ټپيان کړي چې وضعيت يې د ډاډ وړ دی.

خو د ننګرهار ولايت يوې بلې امنيتي سرچينې تاييد کړه چې د ماين چاودنې له امله دوه ملکيان وژل شوي او د درېيو پوليسو په ګډون اتلس کسان ټپيان شوي دي.

د ننګرهار حوزوي روغتون وياند ګلزاده سنګر پژواک ته وويل چې د پېښې له ځايه روغتون ته دوه جسدونه او ۱۸ ټپيان ور وړل شوي دي.

دی زياتوي، په ټپيانو کې درې پوليس دي او د څلورو ملکي ټپيانو روغتيايي وضعيت د اندېښنې وړ دی.

د انصارالله په نوم د پېښې عيني شاهد پژواک ته وويل چې په دې سيمه کې د سهار له خوا ګڼه ګوڼه ځکه ډېره وي چې هم د لغمان موټرو اډه ده او هم په کې سهار د سبزۍ لنډمهالی مارکېټ جوړېږي.

د چاودنې مسووليت چا نه دی منلی.

د يادونې ده، په دې وروستيو کې په جلال اباد ښار کې د چاودنو پېښې زياتې شوې دي.

Visits: 12

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.