کابل (پژواک، ۲۳وری۱۴۰۰): په قطر کې د مسلمانو عالمانو نړیوالې ټولنې په افغان حکومت او طالبانو غږ کړی چې په روژې مبارکه میاشت کې دې جګړه ودروي .
یادې ټولنې نن د وري په ۲۳مه په پنځو مادو کې یوه خبرپاڼه خپره کړې او په هغه کې یې د جګړې دواړه لوریو ته قسم ورکړی چې د روژې په میاشت کې اوربند وکړي، ترڅو مسلمانان په ارامه فضا کې خپل عبادت ترسره کړي.
دغه راز دغه اسلامي معتبر بنسټ افغانستان د علم، فقه او اسلامي کلتور کور بللی او د مسلمانو تر منځ یی جګړه د قراني مبارکو ایاتونو او نبوي احادیثو پر اساس حرامه ګڼلی ده .
یاد بنسټ له دواړو لوریو غوښتنه کړې چې د اسلامي نړۍ علماوو ته دې مراجعه وکړي او د قران عظیم الشأن او نبوي (ص) د سنتو په رڼا کې دې خپلې ستونزې حل کړي .
دغې سرچینې ویلي چې له افغان حکومت او طالبانو غوښتنه کوي چې جګړه ودروي ځکه جګړه د دوی ژوند اخلي او ناحقه د مسلمانانو وینه په کې تویږي .
دغه بنسټ ویلي، له دواړو خواووغوښتنه کوي چې یوازې د الله کتاب او د هغه د رسول سنتو په رڼا کې یوه هراړخیزه سوله وکړي ځکه چې په دې سوله کې امنیت او خوندیتوب دی.
Views: 178
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن