چاریکار (پژواک، ۱۱ غویی ۱۴۰۰): د پروان امنیه قومانداني وايي، د پروان ولایت بګرام هوايي ډګر کې د ملي اردو مرکز دننه جومات کې چاودنه شوې چې د ملي اردو یو منسوب په کې وژل شوی او ۲۵ نور یې ټپیان کړي دي.
د پروان امنیې قوماندانۍ د امنیت امر عبدالواسع رحیمي وايي، یاده پېښه تېره شپه رامنځته شوې ده.
د یو بل خبر له مخې، د کابل ښار امنیتي سرچینو پر یوه نظامي افسر د ناکام برید خبر ورکړی دی.
یوې امنیتې سرچینې د نوم نه ښودو په شرط ویلي چې نن سهار شاوخوا شپږ بجې د کابل ښار د پولیسو اوومې حوزې اړوند چهلستون باغ پر سړک یو کس چې غوښتل یې د چهار اسیاب ولسوالۍ د للندر خلکو ټولنیزې شورا رییس او د مفرزه قطعې قوماندان جنرال خلیل امام زاده للندري ترور کړي، د نوموړي د ساتونکي له خوا پر ډزو ټپي شوی دی.
نوموړي په دې اړه نور جزئیات ور نه کړل.
GET IN TOUCH
NEWSLETTER
SUGGEST A STORY
PAJHWOK MOBILE APP